Buddugoliaeth hanesyddol Japan yn anfon yr Alban adref o Gwpan y Byd

Diweddarwyd am  

Mae tîm rygbi Japan wedi curo’r Alban o 28-21 er mwyn sicrhau lle yn rownd wyth olaf Cwpan y Byd am y tro cyntaf erioed.

Roedd amheuon a fyddai’r gêm yn Yokohama yn cael ei chynnal o gwbl yn dilyn y teiffŵn, gyda’r Alban yn bygwth ceisio cyngor cyfreithiol pe bai’n cael ei chanslo.

Roedd angen buddugoliaeth o wyth pwynt ar yr Alban i gyrraedd rownd yr wyth olaf, ond roedd ymosod y tîm sy’n cynnal y gystadleuaeth yn rhy gryf o lawer.

Byddan nhw nawr yn wynebu De Affrica, wrth ailadrodd y gêm a ddaeth â buddugoliaeth hanesyddol arall iddyn nhw yn y gystadleuaeth bedair blynedd yn ôl.

Yn ystod y gêm, sgoriodd y prop Keita Inagaki gais a fydd yn sicr yn dwyn sylw’r beirniaid wrth ddewis cais gorau’r twrnament.

Dyma’r ail waith mewn tair cystadleuaeth i’r Alban fethu â chyrraedd yr wyth olaf.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones