Tro pedol gan y BBC ar sylwadau Naga Munchetty

 
Tu allan i bencadlys y BBC yn White City

BBC yn Llundain

Llun: Chmee2 CC SA 3.0 trwy Commons Wikimedia

Mae Cyfarwyddwr Cyffredinol y BBC, Tony Hall, wedi gwyrdroi’r penderfyniad ynglŷn â’r newyddiadurwraig, Naga Munchetty.

Roedd uned gwynion y gorfforaeth wedi dyfarnu bod cyflwynwraig y rhaglen BBC Breakfast wedi mynd yn groes i ganllawiau golygyddol pan feirniadodd sylwadau a wnaed gan Donald Trump.

Fe achosodd y penderfyniad ffrae fawr, gyda’r diddanwr Syr Lenny Henry a’r newyddiadurwr, Krishnan Guru-Murthy, ymhlith y rhai a feirniadodd y gorfforaeth am ei thriniaeth o Naga Munchetty.

Ond mewn e-bost at staff y BBC, dywedodd Tony Hall ei fod bellach wedi adolygu’r achos ei hun, cyn dod i’r penderfyniad na ddylai’r gŵyn yn erbyn sylwadau Naga Munchetty gael ei chadw.

Y sylwadau

Mewn rhifyn o BBC Breakfast ar Orffennaf 17, roedd y gyflwynwraig wedi ymateb ar ôl i Arlywydd yr Unol Daleithiau ddweud wrth Ddemocratiaid benywaidd i “fynd yn ôl” i’w gwledydd.

“Bob tro yr ydw i, fel dynes o liw, wedi cael rhywun yn dweud wrtha i i ddychwelyd i’r lle yr ydw i’n dod, mae hynny wedi ei wreiddio mewn hiliaeth,” meddai Naga Munchetty.

“Dydw i ddim yn cyhuddo unrhyw un o ddim byd yn fan hyn, ond rydych chi’n gwybod beth mae ambell ddywediad yn ei olygu.”

Aeth yn ei blaen wedyn i ddweud ei bod hi’n “hynod o grac bod dyn y safle honno yn meddwl ei bod hi’n iawn i wthio’r ffiniau trwy ddefnyddio ieithwedd o’r fath.”

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones