Yr Alban yn gofyn am £52m i baratoi am Brexit heb gytundeb

 
Baner yr Alban

Baner yr Alban

Llun: Wicipedia

Mae Llywodraeth yr Alban wedi gwneud cais am £52m o arian wrth gefn er mwyn paratoi ar gyfer Brexit heb gytundeb.

Mae’r arian wedi cael ei neilltuo ar drothwy ymadawiad disgwyliedig Prydain o’r Undeb Ewropeaidd ar Hydref 31, ac mae Llywodraeth Prydain yn dweud y bydd yr arian ar gael i’r Alban pe bai’n wynebu costau afresymol yn sgil Brexit.

Mae Llywodraeth yr Alban, wrth gyflwyno’r cais, yn achub ar y cyfle i ategu eu gwrthwynebiad i Brexit ar unrhyw ffurf, gan alw am sicrwydd na fyddan nhw’n wynebu unrhyw gostau cysylltiedig.

Roedd y mwyafrif o Albanwyr wedi pleidleisio o blaid aros yn yr Undeb Ewropeaidd adeg y refferendwm yn 2016.

Mae disgwyl i unrhyw arian y bydd yr Alban yn ei dderbyn gael ei wario ar gymunedau cefn gwlad, gwasanaethau Alban Forwrol a Heddlu’r Alban, ar gyfathrebu â thrigolion yr Undeb Ewropeaidd sy’n byw yn yr Alban, ac ar fesurau i atal tlodi.

Dyfodol yr Alban ar ôl Brexit

Ddydd Gwener, fe wnaeth economegydd yn yr Alban ddarogan y gallai’r wlad golli gwerth £2m o fuddsoddiad yn sgil Brexit.

Yn ôl un rhagolwg gan Lywodraeth yr Alban, fe allai’r wlad golli £500m o fuddsoddiad yn sgil yr ansicrwydd hyd at ddiwedd y flwyddyn.

Dywed llefarydd ar ran Llywodraeth Prydain y bydd y cais yn cael ei ystyried “yn y modd arferol”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones