Yr Undeb Ewropeaidd yn dal i aros am gynigion amgen i’r ‘backstop’

Diweddarwyd am  
Baner Jac yr Undeb gyda'r gair Brexit drosti

Llun: CC0

Mae’r Undeb Ewropeaidd wedi rhoi mwy o bwysau ar Boris Johnson i amlinellu ei gynigion ar gyfer cytundeb Brexit newydd yn ystod cyfarfod yn Lwcsembwrg heddiw (dydd Llun, Medi 16).

Yn ôl y Comisiwn Ewropeaidd, maen nhw’n dal i aros am gynigion amgen i’r trefniant yng Ngogledd Iwerddon – y backstop – a oedd yn rhan o gytundeb Theresa May ac sy’n ceisio osgoi ffin galed ag Iwerddon.

Yn ôl Jean-Claude Juncker, bu’r cyfarfod rhyngddo â Boris Johnson yn “gyfeillgar”, ond ychwanegodd fod angen i’r trafodaethau ynghylch Brexit gynyddu “ar gyflymder”.

Roedd yr Ysgrifennydd Brexit, Steve Barclay, a phrif drafodwr Brexit yr Undeb Ewropeaidd, Michel Barnier, hefyd yn bresennol yn y cyfarfod.

‘Bydd Brexit ar Hydref 31’ – Boris Johnson

Mae Stryd Downing wedi disgrifio’r cyfarfod fel un “adeiladol”, ac yn cydnabod yr angen am fwy o drafodaethau rhwng y ddwy ochr, a hynny yn “ddyddiol”.

Ond mae Boris Johnson eto wedi pwysleisio na fydd yn gofyn am estyniad i Brexit, er bod deddf a basiwyd yn San Steffan yr wythnos ddiwethaf yn atal gwledydd Prydain rhag gadael heb gytundeb ar Hydref 31.

“Fe ailgadarnhaodd y Prif Weinidog ei ymrwymiad i Gytundeb Dydd Gwener y Groglith a’i fwriad pendant i sicrhau cytundeb – sydd ddim yn cynnwys y backstop – a fydd yn derbyn cefnogaeth aelodau o’r Senedd,” meddai ei lefarydd.

“Fe bwysleisiodd y Prif Weinidog hefyd na fydd yn cyflwyno cais am estyniad ac y bydd yn arwain gwledydd Prydain allan o’r Undeb Ewropeaidd ar Hydref 31.

“Fe gytunodd yr arweinwyr fod angen i drafodaethau ddwysáu ac y dylai cyfarfodydd gael eu cynnal yn ddyddiol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer