Cyn-ymgeisydd i arwain y Ceidwadwyr yn symud at y Democratiaid Rhyddfrydol

 
Sam Gyimah

Sam Gyimah

Llun: Flickr

Mae Sam Gyimah, y cyn-weinidog Ceidwadol oedd yn un o’r ymgeiswyr yn ddiweddar i arwain y blaid, wedi symud at y Democratiaid Rhyddfrydol.

Daeth y newyddion wrth iddo annerch cynhadledd y Democratiaid Rhyddfrydol yn Bournemouth.

Aelod seneddol Dwyrain Surrey yw’r chweched aelod seneddol i symud eleni, yn dilyn sïon fod y Democratiaid Rhyddfrydol wedi bod yn paratoi ar gyfer y cyhoeddiad dros y dyddiau diwethaf.

Y rhai eraill sydd wedi gadael y blaid yw Dr Philip Lee a Dr Sarah Woollaston, ac mae Luciana Berger, Chuka Umunna ac Angela Smith hefyd wedi ymuno o’r Blaid Lafur ers mis Ionawr.

Roedd Sam Gyimah yn un o gynorthwywyr seneddol David Cameron pan oedd e’n brif weinidog.

Ond fe ddaeth e’n aelod annibynnol ar ôl colli’r chwip fel Ceidwadwr am gefnogi’r gwrthbleidiau wrth iddyn nhw atal Brexit heb gytundeb.

Mae’n cefnogi cynnal ail refferendwm ar ymadawiad Prydain o’r Undeb Ewropeaidd.

Cyfnod cythryblus

Mae Sam Gyimah yn dweud nad “penderfyniad hawdd” oedd gadael y Ceidwadwyr.

Ymddiswyddodd e o feinciau blaen llywodraeth Theresa May ym mis Tachwedd yn sgil ei Chytundeb Ymadael, ac fe fu’n llafar ei wrthwynebiad i’r cynllun hwnnw ers tro.

Ers ymuno â’r Democratiaid Rhyddfryfol, mae wedi lladd ar Boris Johnson yn sgil ei ddull o geisio cytundeb Brexit, gan ddweud ei fod yn teimlo nad oes opsiwn bellach ond mynd am Brexit heb gytundeb.

Ac mae’n feirniadol o’r awgrym y gallai Boris Johnson geisio anwybyddu’r gyfraith sy’n mynnu bod rhaid ymestyn Brexit tan 2020 os nad oes yna gytundeb erbyn Hydref 19.

Mae’n cyhuddo’r prif weinidog a Jeremy Corbyn, arweinydd y Blaid Lafur, o lywodraeth dros bleidiau sy’n dangos “diffyg goddefgarwch”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer