Cytundeb Brexit: Brwsel yn dal i aros am gynigion o Lundain

 
Michel Barnier yn cael ei gyfweld, gyda meicroffon o'i flaen

Michel Barnier, prif drafodwr yr Undeb Ewropeaidd

Llun: Ralf Roletschek GNU 1.2

Mae’r Undeb Ewropeaidd yn dal i aros am syniadau gan Boris Johnson, Prif Weinidog y Deyrnas Unedig, ynglŷn â sut i ddod i gytundeb tros Brexit.

Dyna mae prif drafodwr Brexit yr Undeb Ewropeaidd, Michel Barnier, wedi ei ddweud wrth i’r dyddiad terfyn am ddêl, Hydref 31, nesáu.

Mae cennad Llywodraeth y Deyrnas Unedig, David Frost, wedi bod yn cynnal trafodaethau ym Mrwsel yr wythnos hon, ond hyd yma does dim wedi dod o hynny.

Bu Llywydd Senedd Ewrop, David Sassoli, yn cynnal trafodaethau â Michel Barnier ar ddydd Iau (Medi 11), ac mae wedi taflu dŵr oer tros unrhyw obeithion.

Opsiynau

“Dyw’r Deyrnas Unedig ddim wedi cynnig unrhyw bosibiliadau gwahanol, neu unrhyw beth sydd yn gyfreithiol gredadwy neu’n ymarferol,” meddai.

“Yn anffodus, dyw’r arwyddion rydym yn synhwyro ddim yn awgrymu bod yna unrhyw opsiwn a all ailagor y trafodaethau.”

Gwraidd yr anghydfod

Mae’r Undeb Ewropeaidd am i Ogledd Iwerddon ddilyn rheolau gwahanol i weddill y Deyrnas Unedig yn dilyn Brexit, er mwyn hwyluso masnach â Gweriniaeth Iwerddon.

Mae Boris Johnson, ar y llaw arall, yn gwrthwynebu hyn, a dyw e ddim yn awyddus i dalu bargen a fyddai’n arwain at y fath drefniant.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer