Syr Geoffrey Boycott “ddim yn poeni taten” am ei feirniaid

Diweddarwyd am  

Criced

Llun: CC0

Mae Geoffrey Boycott yn dweud nad yw’n “poeni taten” am y ffrae sydd wedi’i chynnau yn sgil ei wneud yn farchog.

Mae ymgyrchwyr trais ddomestig wedi beirniadu penderfyniad y cyn-Brif Weinidog, Theresa May, i anrhydeddu’r cyn-gricedwr a gafodd ei ddedfrydu yn Ffrainc yn 1998 ar ôl ymosod ar ei gariad mewn gwesty.

Yn ôl prif weithredwr dros dro Women’s Aid, Adina Claire, mae’r anrhydedd yn “hynod siomedig”.

Ond wrth ymateb i’w feirniad ar raglen Today ar BBC Radio 4 y bore yma (dydd Mawrth, Medi 10), dywedodd Syr Geoffrey Boycott, 78, wrth y gyflwynwraig, Martha Kearney:

“Dydw i ddim yn poeni taten amdani, cariad. Mae[‘r ddedfryd] 25 mlynedd yn ôl. Felly fe allwch chi gymryd eich natur wleidyddol a gwneud beth a fynnwch â hi.

“Rydych chi eisiau i fi sôn am fy ngradd marchog, ac mae’n braf eich bod chi wedi fy ngwahodd. Ond, [am y beirniaid], dydw i ddim yn poeni taten.”

“Neges beryglus”

Ychydig cyn i Syr Geoffrey Boycott ymateb, fe ddywedodd Adina Claire fod ei anrhydeddu yn “anfon neges beryglus na ddylai trais ddomestig gael ei hystyried yn drosedd ddifrifol.”

Ychwanega: “Yn sgil cynnydd sylweddol yn yr ymwybyddiaeth am drais ddomestig, yn ogystal â Bil Trais Ddomestig yn barod i’w chymryd gan y Llywodraeth, mae’n hynod siomedig bod gradd marchog wedi cael ei hargymell i Geoffrey Boycott, sydd wedi cael ei farnu’n euog o drais ddomestig.”

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer