Y gwrthbleidiau yn gwrthod cefnogi galwadau am etholiad

 

Jeremy Corbyn

(Llun parth cyhoeddus)

Mae’r gwrthbleidiau yn San Steffan wedi cytuno na fyddan nhw’n cefnogi ail ymdrech Boris Johnson i sicrhau etholiad cyffredinol.

Fe wnaeth yr arweinydd Llafur, Jeremy Corbyn, a’r gwrthbleidiau eraill gyfarfod heddiw (dydd Gwener, Medi 6) er mwyn trafod eu gwrthwynebiad i’r syniad o gynnal etholiad cyn bod Brexit heb gytundeb wedi ei atal.

Mae disgwyl i’r Blaid Lafur, y Democratiaid Rhyddfrydol, yr SNP a Phlaid Cymru naill ai pleidleisio yn erbyn neu gadw eu pleidlais yn ôl pan fydd ail gynnig yn dychwelyd i Dŷ’r Cyffredin ddydd Llun.

Daw eu penderfyniad yn ystod ymweliad y Prif Weinidog â Swydd Efrog a’r Alban ddoe a heddiw mewn ymgais i ennill cefnogaeth ymhlith pleidleiswyr.

Yn ôl arweinydd yr SNP, Ian Blackford, mae Boris Johnson yn “torri ei fol eisiau etholiad”, ond mae’n rhaid sicrhau estyniad i Erthygl 50 cyn y gall hynny ddigwydd, meddai wedyn.

Mae Boris Johnson yn mynnu y bydd gwledydd Prydain yn gadael yr Undeb Ewropeaidd ar Hydref 31, doed a ddêl.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer