Boris Johnson – ‘does gan yr Alban unrhyw reswm i ofyn am annibyniaeth’

 
Baner Prydain

Baner yr Undeb

Llun: Wicipedia

Bydd Boris Johnson yn “gwneud pob ymdrech” i sicrhau nad yw’r Deyrnas Gyfunol yn gwahanu.

Daw sylwadau’r Prif Weinidog ar drothwy ei daith i fferm yn Swydd Aberdeen heddiw (dydd Gwener, Medi 6), lle mae’n gobeithio sicrhau cefnogaeth ymhlith pleidleiswyr – er bod y gwrthbleidiau yn San Steffan yn dal i wrthod ei alwad am etholiad cyffredinol.

Mewn darn ym mhapur The Daily Telegraph, mae Boris Johnson yn mynnu nad oes gan yr Alban yr un rheswm i ofyn am annibyniaeth wedi Brexit, er bod yna alwadau cynyddol am ail refferendwm ar y mater.

Mae’n mynd yn ei flaen wedyn i addo £51.4m i ffermwyr yr Alban ar gyfer y ddwy flynedd nesaf – swm sy’n ychwanegol i’r £160m a gyhoeddwyd gan y Canghellor ddydd Mercher, meddai.

Gweinidog yr Undeb?

“Y cyfrifoldeb mwyaf sydd gan y Prif Weinidog yw diogelu a chryfhau ein hundeb a’r cyfan y mae’n ei gynrychioli,” meddai Boris Johnson.

“Mae’r coch, gwyn a glas yn Faner yr Undeb yn cynrychioli popeth yr ydym ni wedi eu cyflawni gyda’n gilydd fel yr undeb gwleidyddol ac economaidd mwyaf llwyddiannus mewn hanes modern…

“Dw i’n ei chael hi’n anodd dygymod â pham y bydd unrhyw un eisiau darnio ein gwlad lwyddiannus, rhwygo croes Sant Andrew o Fflag yr Undeb a gosod ffin ryngwladol ar draws ein hynys.

“Fel Gweinidog yr Undeb, dw i am wneud pob ymdrech i gryfhau a diogelu’r cyfan sy’n cael ei drysori a’i goleddu ganddon ni, gan wrthwynebu’r rheiny sy’n ceisio ein gwahanu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer