Disgwyl cyfarfod anodd rhwng Boris Johnson ac Emmanuel Macron

 

Emmanuel Macron

Llun: Comin Wicimedia

Mae Boris Johnson yn wynebu cyfarfod anodd gydag Arlywydd Ffrainc ym Mharis heddiw (dydd Iau, Awst 22).

Daw’r cyfarfod ychydig oriau ar ôl i Emmanuel Macron ddweud yn blwmp ac yn blaen fod ail-drafod y cytundeb Brexit “ddim yn opsiwn”.

“Mae’n rhaid i ni helpu Prydain i ddelio â’r argyfwng democrataidd mewnol hwn, ond ddylem ni ddim cael ein dal yn gaeth iddo na’i ledaenu,” meddai’r Arlywydd mewn cynhadledd i’r wasg.

Yn y cyfamser, fe gafodd Prif Weinidog Prydain gyfarfod “adeiladol” gyda Changhellor yr Almaen, Angela Merkel, ddoe wedi iddi hi awgrymu y gallai arweinwyr Ewrop fod yn agored i ail-drafod y cytundeb Brexit er mwyn osgoi sefyllfa ‘dim cytundeb’.

Wrth groesawu Boris Johnson i Berlin, fe ddywedodd Angela Merkel fod gan Lywodraeth Prydain 30 diwrnod i feddwl am gynllun amgen i’r ‘backstop’ – gan sicrhau bod ffin galed yng Ngogledd Iwerddon yn cael ei hosgoi.

Mewn ymateb, dywedodd y Prif Weinidog ei fod yn “fwy na hapus” gyda’r amserlen.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer