Beio Boris Johnson am fygythiadau i ladd

Diweddarwyd  
Dominic Grieve

Dominic Grieve

Llun swyddogol

Mae’r cyn-dwrnai cyffredinol Dominic Grieve ymosod yn hallt ar y Prif Weinidog gan ddweud mai ei rethreg ef sy’n gyfrifol am fygythiadau i’w ladd.

Wrth siarad ar raglen Good Morning Scotland y bore yma, meddai:

“Mae gen i eisiau achub y Blaid Dorïaidd rhag Mr Johnson a’i debyg – mae’n ei herwgipio ac yn mynd â hi i gyfeiriadau sy’n peri pryder mawr imi,” meddai.

“Dw i ddim yn hoffi’r rhethreg, sy’n arwain yn uniongyrchol at y bygythiadau i’m lladd dw i’n eu cael.

“Mae’n rhaid inni dderbyn fod gennym wlad ranedig iawn – a dw i ddim yn meddwl ein bod ni’n mynd i ddatrys y broblem gyda’r math o bopiwlyddiaeth curo’r drwm y mae’n ei arddel.

“Mae’n ymddwyn fel demagog.”

‘Iaith emosiynol’

“Os yw gwleidyddion blaenllaw yn defnyddio iaith emosiynol fel ‘collaborator’ neu ‘fradwyr’, mae Aelodau Seneddol ar unwaith yn derbyn negeseuon e-bost ffiaidd gan aelodau’r cyhoedd, gyda rhai ohonyn nhw’n cynnwys bygythiadau i ladd,” meddai Dominic Grieve.

“Mae hyn wedi bod yn mynd ymlaen ers amser maith, ond fe fyddwn i’n disgwyl i Brif Weinidog Ceidwadol gollfarnu hyn yn llwyr a hefyd sicrhau ei fod, yn ei iaith a’i rethreg ei hun, yn osgoi unrhyw beth a all annog hyn.

“Ac mae’n gwbl amlwg nad yw am wneud hynny. Dw hynny’n ddim syndod imi yn wyneb fy asesiad fy hun ohono.”

Guto Bebb o’r un farn

Mae sylwadau’r cyn-dwrnai cyffredinol yn ategu’r hyn a ddywedodd Aelod Seneddol Ceidwadol Aberconwy yn gynharach yn yr wythnos.

Dywedodd Guto Bebb fod defnydd y Prif Weinidog o’r gair ‘collaboration’ yng nghyd-destun yr Undeb Ewropeaidd yn gwbl wenwynig a gwarthus.

“Dw i’n meddwl y dylai Boris Johnson feddwl yn ofalus iawn cyn defnyddio iaith fel hyn pan mae’n gwybod yn iawn y bygythiadau mae pobl yn eu derbyn,” meddai.

“Dydi staff fy swyddfa ddim yn gallu gwneud eu gwaith heb fesurau diogelwch. Mae system ddiogelwch yn fy nghartref.

“Mae i Boris Johnson gyhuddo pobl fel fi o ‘collaboration’ yn iaith warthus gan ddyn a ddylai wybod yn well. Mae’n annheilwng o’r swydd mae’n ei dal ac mae’n profi unwaith eto nad ydi’r dyn yn ffit i fod yn Brif Weinidog.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones