Boris Johnson: “Dim rheswm” i’r Alban gynnal pleidlais annibyniaeth

Diweddarwyd  
Y Prif Weinidog Boris Johnson yn cwrdd a Phrif Weinidog yr Alban Nicola Sturgeon yng Nghaeredin

Y Prif Weinidog Boris Johnson yn cwrdd a Phrif Weinidog yr Alban Nicola Sturgeon yng Nghaeredin

Llun: Jane Barlow/PA Wire

Mae Boris Johnson wedi mynnu “nad oes rheswm” i’r Alban gynnal ail bleidlais ar annibyniaeth.

Ar ei ymweliad cyntaf â’r Alban ers dod yn Brif Weinidog, dywedodd Boris Johnson fod y refferendwm yn 2014 wedi bod yn “ddigwyddiad unwaith mewn cenhedlaeth” ac y byddai ffydd y cyhoedd mewn gwleidyddiaeth yn cael ei niweidio ymhellach petai ail bleidlais yn cael ei chynnal.

Daw ei sylwadau ar ôl i Brif Weinidog yr Alban rybuddio bod Llywodraeth Prydain ar ei newydd wedd yn gyrru gwledydd Prydain tuag at “drychineb” wrth wthio am Brexit heb gytundeb.

Cyn iddi gwrdd â Boris Johnson prynhawn ma dywedodd Nicola Sturgeon: “Nid oedd pobol yr Alban wedi pleidleisio dros y Llywodraeth Geidwadol yma, wnaethon nhw ddim pleidleisio am y Prif Weinidog yma, gwnaethon nhw ddim pleidleisio o blaid Brexit a gwnaethon nhw yn bendant ddim pleidleisio dros Brexit heb gytundeb a fydd yn drychinebus.”

Ychwanegodd: “Mae’r Alban wedi cael ei hanwybyddu drwy’r broses Brexit ac mae’n bryd i bawb sy’n poeni am ddyfodol yr Alban i ddod at ei gilydd a llywio llwybr ein hunain.”

Ruth Davidson

Mae arweinydd y Ceidwadwyr yn yr Alban, Ruth Davidson, hefyd wedi dweud nad yw hi’n cefnogi’r syniad o wledydd Prydain yn gadael yr Undeb Ewropeaidd heb gytundeb.

Dywedodd Boris Johnson heddiw y bydd yn gwneud popeth yn ei allu i sicrhau cytundeb Brexit newydd.

Er gwaethaf y rhaniad hwn, mae Boris Johnson wedi addo “gwneud cymaint ag y medra’i” er mwyn cefnogi Ruth Davidson i ddod yn Brif Weinidog yr Alban yn etholiad Holyrood yn 2021.

Yn y cyfamser mae Boris Johnson wedi cyhoeddi £300m o arian newydd ar gyfer cymunedau yn y gwledydd sydd wedi’u datganoli.

Mae disgwyl iddo gwrdd â ffermwyr yng Nghymru yn ddiweddarach yr wythnos hon.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones