Theresa May i gadeirio cyfarfod o bwyllgor argyfyngau Cobra

 
Llun pen ac ystwydd o Theresa May

Theresa May

Llun: Anika Haas trwy Commons Wikimedia CC2.0

Bydd Theresa May yn cadeirio cyfarfod o bwyllgor argyfyngau Cobra y Llywodraeth heddiw (dydd Llun, Gorffennaf 22) ar ôl i dancer Prydeinig yng Ngheufor Persia gael ei gipio gan Iran.

Mae disgwyl i’r Prif Weinidog dderbyn diweddariadau gan weinidogion a swyddogion ynglŷn â’r sefyllfa a bydd yn trafod cynnal diogelwch llongau yn y rhanbarth.

Nid oedd Theresa May yn bresennol mewn cyfarfodydd Cobra dros y penwythnos, ond cafodd ei hysbysu am y datblygiadau.

Mae disgwyl hefyd i’r Ysgrifennydd Tramor Jeremy Hunt wneud datganiad i Dŷ’r Cyffredin. Mae adroddiadau bod gweinidogion yn ystyried rhewi asedau Iran.

Yn y cyfamser mae Aelodau Seneddol Torïaidd blaenllaw wedi cynyddu eu beirniadaeth o Theresa May yn dilyn honiadau bod y Llywodraeth wedi gwrthod cynnig gan lynges yr Unol Daleithiau i warchod tanceri gwledydd Prydain yng Nghulfor Hormuz, llwybr llongau prysuraf y byd.

Dywedodd cymhorthydd seneddol y Canghellor Philip Hammond, Huw Merriman, wrth BBC Radio 4, bod y Llywodraeth wedi “colli cyfle” dros y sefyllfa.

“Er mwyn dangos nad ydw i’n byped i Philip Hammond na Jeremy Hunt, rwyf o’r farn ein bod wedi colli cyfle yma … wnaethon ni ddim rhoi trefniadau mewn lle yn galw ar ein holl longau i adael ar amser penodol mewn confoi,” meddai Huw Merriman.

“Felly, nid oedd yn syndod pan gafodd un o’n rhai ni eu cymryd,” ychwanegodd ar y rhaglen Westminster Hour.

Cyhuddodd Iain Duncan Smith, sy’n arwain ymgyrch Boris Johnson i fod yn arweinydd y Ceidwadwyr, Theresa May o wneud “camgyfrifiad mawr” trwy wrthod cynnig yr Unol Daleithiau i amddiffyn llongau Prydain gan yr Arlywydd Donald Trump.

“Roedd Prydain yn cael cynnig pa bynnag gymorth oedd ei angen i ddiogelu llongau Prydain ac roedden nhw’n barod i helpu,” meddai’r cyn arweinydd Torïaidd wrth y Telegraph.

“Methodd y Llywodraeth i fachu ar y cynnig a’r rheswm oedd nad oeddem am gynhyrfu pobl Iran.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones