Ystyried rhewi asedau Iran ar ôl i dancer olew Prydeinig gael ei gipio

 
Baner Iran

Baner Iran

Llun: Wikipedia

Mae gweinidogion San Steffan yn ystyried rhewi asedau Iran ar ôl i dancer olew Prydeinig gael ei gipio.

Mae disgwyl i Jeremy Hunt, yr Ysgrifennydd Tramor, gyhoeddi camau yfory (dydd Llun, Gorffennaf 22) i ymateb i’r sefyllfa, ar ôl i Iran feddiannu’r Stena Imperto, yn ôl y Sunday Telegraph.

Ac mae’r papur newydd hwnnw’n awgrymu y gallai San Steffan geisio ail-gyflwyno’r sancsiynau oedd yn eu lle yn 2016, ond a gafodd eu codi’n ddiweddarach mewn perthynas â rhaglen niwclear y wlad.

Mae lle i gredu y byddai Llywodraeth Prydain yn ceisio sêl bendith eu cynghreiriaid yn y Cenhedloedd Unedig cyn cyflwyno sancsiynau.

Mae Jeremy Hunt yn dweud bod gweithredoedd Iran yn codi “cwestiynau difrifol iawn” am ddiogelwch y moroedd yn Hormuz, a’u bod yn groes i gyfraith ryngwladol.

Yn ôl Jeremy Hunt, mae Iran yn dadlau bod y weithred o gipio’r tancer olew yn ffordd o ddial am atal llong Grace 1 yn Gibraltar, ond mae yntau’n wfftio hynny.

Roedd Grace 1 yn cludo olew i Syria yn groes i gyfreithiau Ewropeaidd, meddai.

Mae’r Unol Daleithiau, Ffrainc a’r Almaen i gyd yn beirniadu Iran ynghylch y sefyllfa.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer