Gwefan a thudalen Twitter Heddlu Llundain wedi cael eu hacio

 

Llun parth cyhoeddus CC0

Mae unigolion wedi hacio gwefan a thudalen Twitter Heddlu Llundain wrth iddyn nhw alw am ryddhau rapiwr o’r ddalfa.

Cafodd cyfres o negeseuon eu hanfon o’r dudalen Twitter neithiwr (nos Wener, Gorffennaf 19), yn galw am ryddhau Digga D.

Mae’r negeseuon wedi cael eu dileu erbyn hyn, ac mae’r heddlu’n dweud bod yr hacio wedi effeithio eu tudalennau newyddion a datganiadau i’r wasg yn unig.

Mae ymchwiliad ar y gweill, ac mae’r heddlu’n adolygu eu mesurau diogelwch ar y we.

Digga D

Cafodd y rapiwr Digga D – neu Rhys Herbert, sy’n 17 oed – ei garcharu ynghyd â phedwar o bobol eraill y llynedd, ar ôl iddyn nhw gael eu canfod â batiau pêl fas a machetes.

Cafodd Rhys Herbert ei garcharu am 12 mis ar ôl cyfaddef cynllwynio i achosi anhrefn dreisgar a bod ag arf yn ei feddiant mewn lle cyhoeddus.

Mae gan ei fand nifer o ganeuon sydd â geiriau treisgar, ac maen nhw wedi eu cyhoeddi ar YouTube.

Mae’r genre o gerddoriaeth yn cael ei gysylltu â chynnydd mewn achosion o drais yn Llundain ond fel rhan o garcharu’r criw, maen nhw wedi’u gwahardd rhag creu cerddoriaeth ag iddyn nhw eiriau treisgar.

Mae’r heddlu wedi ymddiheuro am yr anghyfleustra i ddefnyddwr y wefan.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones