Llywodraeth Prydain yn “gofidio’n fawr” am Iran yn cipio tancer olew

 
Y gwleidydd yn defnyddio ei ddwylo i egluro pwynt

Jeremy Hunt

Llun: NHS Confederation cc2.0 trwy FlickR

Mae Llywodraeth Prydain yn “gofidio’n fawr” ar ôl i dancer olew Prydeinig gael ei gipio gan awdurdodau Iran yng Ngwlff Persia.

Cafodd y Stena Impero ei gipio yn Hormuz am “dorri rheolau morwrol rhyngwladol”, yn ôl adroddiadau, wrth i awdurdodau Iran ddweud bod yna wrthdrawiad â chwch pysgota wedi bod.

Ond mae Stena Bulk, sy’n berchen y tancer, yn mynnu nad oedd wedi torri unrhyw reolau.

Fe fu pwyllgor Cobra Llywodraeth Prydain yn trafod y mater mewn cyfarfod brys neithiwr (nos Wener, Gorffennaf 19).

“Rydym yn bryderus iawn o hyd am weithredoedd annerbyniol Iran, sy’n arwydd o her glir i ryddid teithio rhyngwladol,” meddai llefarydd.

Mae llongau o wledydd Prydain wedi cael rhybudd i gadw draw o’r ardal am y tro, gyda Llywodraeth Prydain yn rhybuddio y bydd yna “ganlyniadau difrifol” os na fydd y mater yn cael ei ddatrys yn fuan.

Dydy Jeremy Hunt, Ysgrifennydd Tramor Llywodraeth Prydain, ddim wedi gallu trafod y mater â Llywodraeth Iran hyd yn hyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer