Gwledydd Prydain “angen troi at ffermio cynaliadwy”

 

Llun: CC0

Mae angen cynllun deng mlynedd ar wledydd Prydain er mwyn troi at system o ffermio a chynhyrchu bwyd cynaliadwy, yn ôl adroddiad.

Wrth i wledydd Prydain adael yr Undeb Ewropeaidd, dylai bod newidiadau mawr mewn ffermio erbyn 2030 i gyfeiriad mwy ecolegol gyda mwy o gynhyrchu bwyd organig, bwydo ar borfa, a mwy o ddefnydd o goed.

Er mwyn gwneud hyn mae angen mwy o gefnogaeth y llywodraeth i sicrhau bod bwyd iach yn cael eu cynhyrchu, yn ôl Dywedodd Comisiwn Bwyd, Ffermio a Chefn Gwlad RSA, dan arweiniad cadeirydd Comisiwn Barclay, Ian Cheshire.

Mae’r Comisiwn yn credu y dylai brwdfrydedd pobol ifanc i fynd i’r afael â’r argyfwng amgylcheddol a hinsawdd drwy “wasanaeth natur genedlaethol” ar gyfer pobol ifanc 18 i 25 oed.

Byddai hyn yn cael pobol ifanc o gefndiroedd anodd mewn cymunedau gwledig ble mae gwaith yn brin ac yn cynnig blwyddyn allan “werdd” iddyn nhw.

Mae ffermio yn gyfrifol am 11% o nwyon tŷ gwydr gwledydd Prydain; mae’n effeithio ansawdd dŵr, y tir, ac yn niweidio cynefinoedd naturiol ac mae ffermwyr yn talu prisiau uchel am wrtaith ac yn cael llai o dal am eu cynnyrch wrth y giât.

Yn ôl yr adroddiad mae’r mwyafrif o ffermwyr yn teimlo y bydden nhw’n gallu neud newidiadau mawr mewn pump i ddeg mlynedd gyda’r gefnogaeth iawn.

Mae’n galw ar y llywodraeth i roi diwedd ar ohiriadau i benderfyniadau polisi ac yn gofyn am gynllun deng mlynedd i gael ffermio cynaliadwy erbyn Ionawr 2020.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones