Gwrth-Semitiaeth: cyn-swyddogion Llafur am ddwyn achos

Diweddarwyd am  
Jeremy Corbyn yn siarad

Jerremy Corbyn

Llun: Chatham House CC2.0

Mae dau unigolyn oedd wedi datgelu honiadau o wrth-Semitiaeth o fewn y Blaid Lafur yn bwriadu dwyn achos yn erbyn y blaid.

Mae Sam Matthews a Louise Withers Green yn credu bod y Blaid Lafur wedi eu pardduo yn eu hymateb i’r honiadau.

Fe ddatgelodd rhaglen Panorama y BBC yr wythnos ddiwethaf honiadau fod nifer o fewn y Blaid Lafur, gan gynnwys Seumas Milne, pennaeth y wasg Jeremy Corbyn, a Jennie Formby, yr ysgrifennydd cyffredinol, wedi ymyrryd yn yr ymchwiliad.

Wrth ymateb, dywedodd y Blaid Lafur fod gan y ddau “resymau personol a gwleidyddol” tros wneud yr honiadau, ac y byddan nhw’n amddiffyn eu hymateb “hyd y diwedd” ac yn ôl Jeremy Corbyn, mae’r honiadau’n cynnwys nifer o sylwadau “anghywir”.

Mae cyfreithiwr ar ran y ddau yn dweud bod y blaid “wedi ymddwyn mewn modd sy’n ceisio dinistrio enw da” y rhai oedd wedi gwneud yr honiadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019