Cyhuddo Boris Johnson o “fradychu” llysgennad yr Unol Daleithiau

 

Llun: CC0 trwy www.pixabay.com

Mae Boris Johnson o dan y lach ar ôl i lysgennad gwledydd Prydain i’r Unol Daleithiau ymddiswyddo ar ôl i’w sylwadau beirniadol o arlywydd yr Unol Daleithiau, Donald Trump, gael eu rhyddhau.

Dywedodd Syr Kim Darroch ei fod yn gadael ei swydd oherwydd ei bod yn “amhosib” iddo wneud ei swydd yn effeithiol ar ôl yr ymateb i’r cyngor preifat a roddodd i weinidogion.

Fe alwodd Donald Trump Kim Darroch yn “ddyn twp iawn” gan ddatgan na fydd y Tŷ Gwyn byth yn delio gydag ef eto.

Daeth y llysgennad o dan fwy o bwysau neithiwr (nos Fawrth, Gorffennaf 9) ar ôl i Boris Johnson wrthod cymryd ei ochr yn ystod dadl am arweinyddiaeth y blaid Dorïaidd ar ITV.

Mae Gweinidog y Swyddfa Dramor, Syr Alan Duncan, yn cyhuddo Boris Johnson o “fradychu” Kim Darroch er mwyn atgyfnerthu ei uchelgais ei hun i ddod yn arweinydd nesaf y blaid.

“I rywun sydd eisiau arwain, heb sôn am uno, y wlad, roedd o’n esgeulustod ar ei ran. Yn y bôn, mae wedi bradychu’r llysgennad i wasanaethu ei ddiddordebau personol ei hun,” meddai Alan Duncan.

Dywed Syr Nigel Sheinwald, cyn-lysgennad i’r Unol Daleithiau, ei fod yn credu y gallai sylwadau Boris Johnson fod wedi cyfrannu at benderfyniad Kim Darroch i fynd.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019