“SNP yn paratoi ar gyfer ail refferendwm annibyniaeth yr Alban”

Diweddarwyd am  
Baner yr Alban

Baner yr Alban

Llun: Wicipedia

Gallai ennill mwyafrif yn Holyrood neu gynyddu eu presenoldeb yn San Steffan fod yn ddigon i’r SNP fwrw ymlaen gyda chynlluniau ar gyfer ail refferendwm annibyniaeth, yn ôl aelodau blaenllaw’r blaid.

Y gred yw y gallai’r blaid wthio am bleidlais erbyn 2020, ac mae Nicola Sturgeon, prif weinidog yr Alban eisoes wedi dweud ei bod hi’n ffafrio cynnal pleidlais o’r newydd yn ail hanner y flwyddyn nesaf.

Mae Boris Johnson a Jeremy Hunt, y ddau sy’n brwydro i ddod yn brif weinidog nesaf gwledydd Prydain, eisoes wedi dweud eu bod yn gwrthwynebu ail refferendwm.

Cynnig

Ond mae’r SNP yn bwriadu cyflwyno cynnig i’w drafod yng nghynhadledd aeaf y blaid ym mis Hydref.

Mae’n galw am ail refferendwm erbyn hydref 2020 a phe bai Llywodraeth Prydain yn ei wrthwynebu, fe allen nhw fwrw ymlaen gan fynnu bod ganddyn nhw fandad i ddechrau trafodaethau.

“Mae pobol yr Alban wedi cael eu hanwybyddu’n gyson gan Lywodraeth y DU,” meddai Christopher McEleny, arweinydd Cyngor Inverclyde, un o ddau sy’n cyflwyno’r cynnig.

“Rydym am gynnal refferendwm i roi’r dewis i bobol rhwng dod yn wlad annibynnol gyffredin neu aros yn rhan o DU sydd o hyd yn gorfodi polisïau a llywodraethau ar yr Alban rydym yn eu gwrthod.”

Ond mae’r Ceidwadwyr yn yr Alban yn mynnu o hyd “nad oes cefnogaeth ymhlith Albanwyr ar gyfer refferendwm annibyniaeth arall”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer