Prif blismon Hillsborough yn wynebu achos llys arall

Diweddarwyd am  
Blodau wrth gofeb i'r 96

Cofeb i’r 96 o gefnogwyr pêl-droed Lerpwl fu farw yn stadiwm Hillsborough yn Sheffield ar Ebrill 15, 1989

Llun: golwg360

Fe fydd prif blismon Hillsborough, David Duckenfield, yn wynebu achos llys arall, cyhoeddodd barnwr heddiw.

Mae wedi’i gyhuddo o ddynladdiad 95 o gefnogwyr Lerpwl trwy esgeulustod difrifol.

Roedd y barnwr Syr Peter Openshaw wedi cyhoeddi’r dyfarniad yn Llys y Goron Preston bore ma (dydd Mawrth, Mehefin 25) yn dilyn gwrandawiad ddydd Llun.

Roedd Gwasanaeth Erlyn y Goron wedi pwyso am achos arall ar ôl i’r rheithgor yn yr achos gwreiddiol fethu a dod i reithfarn unfrydol ym mis Ebrill, yn dilyn achos llys a barodd 10 wythnos.

Cafodd y cais ei wrthwynebu gan gyfreithwyr y cyn-uwch arolygydd David Duckenfield, 74 oed.

Mae disgwyl i’r achos gael ei gynnal ar Hydref 7.

Roedd David Duckenfield yn gyfrifol am weithrediadau’r heddlu ar ddiwrnod y trychineb yn Sheffield yn 1989.

Cafodd 95 o gefnogwyr Lerpwl eu gwasgu i farwolaeth yn ystod gêm gynderfynol Cwpan FA Lloegr rhwng Lerpwl a Nottingham Forest ar Ebrill 15, 1989.

O dan y gyfraith ar y pryd, ni chafodd ei gyhuddo mewn cysylltiad â marwolaeth Tony Bland gan iddo farw mwy na blwyddyn ar ôl y digwyddiad.

Roedd David Duckenfield wedi gwadu’r holl gyhuddiadau yn ei erbyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer