Cyhuddo dau tros farwolaeth dyn 18 oed yn Llundain

 

Llun parth cyhoeddus CC0

Mae dau arddegwr wedi cael eu cyhuddo o lofruddio dyn 18 oed yn ystod penwythnos treisgar yn Llundain.

Cafodd y dyn ei drywanu i farwolaeth, ac mae’n un o dri dyn a gafodd eu lladd mewn dau ymosodiad gwahanol o fewn 24 awr i’w gilydd.

Cafodd Mohammed Nadir Dafallah, 18, a llanc 17 oed nad oes modd cyhoeddi ei enw, eu cyhuddo heddiw (dydd Sul, Mehefin 16).

Byddan nhw’n mynd gerbron ynadon Wimbledon yfory (dydd Llun, Mehefin 17).

Beirniadu Sadiq Khan

Mae’r ymosodiadau diweddaraf wedi arwain at feirniadu Sadiq Khan, Maer Llundain.

Ymhlith y rhai fu’n ei feirniadu mae Donald Trump, Arlywydd yr Unol Daleithiau, a Katie Hopkins, y sylwebydd.

Mae Donald Trump yn dweud bod Maer Llundain yn “drychinebus”, ar ôl ail-drydar sylwadau Katie Hopkins am yr ymosodiadau, wrth iddi ddweud bod Llundain, neu “Londonistan”, yn “stab city”.

Mae Donald Trump yn galw am Faer newydd i Lundain “cyn gynted â phosib”.

Mae llefarydd ar ran Sadiq Khan yn dweud na fydd yn “gwastraffu amser” wrth ymateb i’r feirniadaeth.

Ymosodiadau

Cafodd y gwasanaethau brys eu galw i Wandsworth brynhawn dydd Gwener, lle cafwyd hyd i ddyn wedi’i drywanu, ac fe fu farw’n ddiweddarach.

Mewn ail ymosodiad funudau’n ddiweddarach, cafodd dyn 19 oed ei saethu’n farw yn Plumstead.

Cafodd dyn yn ei 30au ei drywanu i farwolaeth yn Tower Hamlets brynhawn ddoe (dydd Sadwrn, Mehefin 15).0

Cafodd tri dyn arall eu trywanu yn Clapham.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer