Yr Alban a gwledydd Prydain “ar ddau lwybr gwleidyddol gwahanol”

 
Nicola Sturgeon

Nicola Sturgeon

Llun: Kenneth Halley CC SA 4.0

Mae’r Alban a gweddill gwledydd Prydain ar “ddau lwybr gwleidyddol gwahanol”, yn ôl Nicola Sturgeon.

Ar ôl disgrifio’r ras am arweinyddiaeth y Blaid Geidwadol yn “sioe arswyd”, mae Prif Weinidog yr Alban wedi nodi sut y mae hi’n gweld ei gwlad hi a gweddill ynys Prydain yn mynd “yn gynyddol” i gyfeiriadau gwahanol o ganlyniad i Brexit.

Wrth annerch y Ganolfan Bolisi Ewropeaidd ym Mrwsel, dywedodd fod angen i bobol yr Alban gael “dewis” cyn y bydd Brexit yn digwydd.

“Mae angen inni wynebu’r posibilrwydd mai bod yn annibynnol a llunio ein dyfodol ein hunain yw’r ymateb gorau,” meddai Nicola Strugeon.

Ychwanegodd fod yr Alban yn awyddus i aros yn aelod o’r Undeb Ewropeaidd, a hynny am resymau amgenach na dim ond masnach a phobol.

“Rydyn ni hefyd eisiau cyfrannu syniadau a thalentau’r Alban tuag at yr heriau hynny sy’n cael eu rhannu ar draws Ewrop, ac i gynnal a chadw ein gwerthoedd.”

Yn ystod ei hymweliad â Brwsel, mae disgwyl i Nicola Sturgeon hefyd gyfarfod â Llywydd y Comisiwn Ewropeaidd, Jean-Claude Juncker.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019