Ymgyrchwyr yn bygwth cau Heathrow am 10 diwrnod

Diweddarwyd am  

Protestwyr Extinction Rebellion ar strydoedd Llundain ychydig wythnosau’n ôl

Llun: Comin Wicimedia / Brian Minkoff

Gallai gweithredu uniongyrchol gan y grŵp amgylcheddol Extinction Rebellion arwain at gau maes awyr Heathrow am hyd at 10 diwrnod yr haf yma.

Mewn datganiad ar ei wefan, dywed y grŵp eu bod nhw’n trafod cynlluniau o’r fath gyda’u haelodau.

“Mae Extinction Rebellion yn mynnu bod y Llywodraeth yn cychwyn gweithredu ar ei ddatganiad o Argyfwng Hinsawdd ac Amgylchedd trwy ganslo unrhyw ehangu yn Heathrow,” meddai’r datganiad.

“Ar 18 Mehefin, bwriadwn gynnal gweithredu uniongyrchol di-drais i sicrhau bod awdurdodau Heathrow yn cau’r maes awyr am y diwrnod, i gydnabod effaith farwol gweithgareddau carbon uchel, fel hedfan, ar fyd natur.

“Os na fydd y Llywodraeth yn canslo pob cynllun i ehangu Heathrow, bydd Extinction Rebellion yn gweithredu i gau’r maes awyr am hyd at 10 diwrnod i 1 Gorffennaf.”

‘Nid targedu’r cyhoedd’

Dywed yr ymgyrchwyr nad targedu’r cyhoedd yw eu bwriad ond rhoi pwysau ar y Llywodraeth.

“Deallwn y bydd y gweithredu yn tarfu ar nifer mawr o bobl yn mynd ar wyliau, ond credwn ei fod yn angenrheidiol yn wyneb y tarfu llawer mwy y byddai trychineb ecolegol yn ei achosi os na byddwn ni’n gweithredu nawr.

“Mae pobl yn cael rhybudd ymlaen llaw i newid eu cynlluniau teithio i fynd ar wyliau.”

Mae’r ymgyrchwyr wedi cael eu beirniadu gan y llywodraeth a’r heddlu ar ôl i ddogfen gyfrinachol ganddyn nhw ddangos eu bod nhw’n ystyried defnyddio drôns i rwystro awyrennau.

“Mae hedfan drôns ger maes awyr yn drosedd ddifrifol ac mae defnyddio drôns yn fwriadol i beryglu bywydau yn gallu arwain at garchar am oes,” meddai’r gweinidog hedfan, y Farwnes Vere.

Dywed llefarydd ar ran Extinction Rebellion fodd bynnag eu bod nhw’n fudiad cwbl ddi-drais ac na fydden nhw’n gwneud ddim i beryglu teithwyr awyrennau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones