Nifer yr ymgeiswyr i olynu Theresa May yn codi i 12

 

Rhif 10 Downing Street

Llun-Sergeant-Tom-Robinson-RLC-CC-BY-SA-2.0

Mark Harper yw’r diweddaraf i gyhoeddi ei fwriad i sefyll am arweinyddiaeth y blaid Geidwadol.

Mae dwsin o Geidwadwyr bellach wedi cyhoeddi eu bod am ymgeisio i olynu Theresa May pan fydd hi’n ildio’r awenau ar Fehefin 7.

Nid yw’r cyn-brif chwip Mark Harper wedi gwasanaethu yn llywodraeth Theresa May ac mae’n dweud bod hynny’n ei wneud yn wahanol i’r ymgeiswyr eraill.

Dywedodd bod Theresa May a’r ymgeiswyr eraill yn rhannu’r cyfrifoldeb am y methiant i ddelifro Brexit a’i fod o’n cynnig agwedd mwy “ffres”.

Roedd Mark Harper wedi pleidleisio o blaid aros yn rhan o’r Undeb Ewropeaidd yn 2016 ac mae wedi awgrymu efallai y bydd yn rhai gohirio Brexit y tu hwnt i Hydref 31 os yw’r prif weinidog nesaf eisiau ail-drafod cytundeb Brexit gyda Brwsel. Mae rhai o’r ymgeiswyr eisoes wedi dweud eu bod yn barod i adael heb gytundeb.

Ond mae Carolyn Fairbairn, Cyfarwyddwr Cyffredinol y CBI, wedi rhybuddio’r ymgeiswyr Ceidwadol yn erbyn gadael yr Undeb Ewropeaidd heb gytundeb gan ddweud y byddai’n niweidiol iawn i fusnesau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019