Theresa May yn ceisio parhau â’i chynlluniau Brexit

 
Lluniau o Theresa May a Jermy Corbyn wedi'u gosod ochr yn ochr

Theresa May a Jeremy Corbyn

Lluniau: Llywodraeth y Deyrnas Unedig OGLv3 a Garry Knight CCA2.0)

Bydd deddfwriaeth allweddol, a fydd yn sicrhau bod cytundeb Brexit Theresa May yn cael ei gymeradwyo, yn cael ei gyflwyno gerbron Aelodau Seneddol ddechrau’r mis nesaf, yn ôl Stryd Downing.

Mae disgwyl i Lywodraeth Prydain gyflwyno’r Mesur Ymadael yn ystod yr wythnos sy’n dechrau ar Fehefin 3.

Daw yn dilyn trafodaethau rhwng y Prif Weinidog ac arweinydd y Blaid Lafur, Jeremy Corbyn, neithiwr.

Dywedodd Theresa May yn glir wrth Jeremy Corbyn ei bod hi am ddod â’r trafodaethau trawsbleidiol i ben er mwyn “darparu Brexit” ar sail canlyniad y refferendwm yn 2016.

Bydd y ddau yn wynebu ei gilydd yn Nhŷ’r Cyffredin yn ystod Cwestiynau’r Prif Weinidog yn ddiweddarach heddiw.

Mae’n debyg bod Jeremy Corbyn wedi dweud yn blwmp ac yn blaen yn ystod y trafodaethau na fyddai’r Blaid Lafur yn cefnogi’r Mesur Ymadael heb gytundeb.

Mae arweinydd y DUP yn Nhy’r Cyffredin, Nigel Dodds, yn credu ei bod yn “debygol iawn” y byddai cytundeb Theresa May yn cael ei wrthod unwaith eto.

Prydain

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019