Debenhams yn bwriadu cau 50 o ganghennau eraill

 

Debenhams

Llun: Martini Pettitt trwy Flickr

Mae Debenhams wedi cyhoeddi y byddan nhw’n cau hyd at hanner cant o ganghennau, gan beryglu cannoedd o swyddi.

Mae’r cwmni bellach wedi cael caniatâd gan gredydwyr i fwrw ymlaen â’r bwriad i gau siopau sy’n tangyflawni.

Fe bleidleisiodd y credydwyr o blaid cynlluniau a fyddai’n gweld prisiau rhent yn gostwng ar gyfer dros 100 o ganghennau.

Mae’r cyfan yn rhan o gynllun i ailstrwythuro’r cwmni yn dilyn trafferthion ariannol.

Mae Debenhams eisoes wedi cyhoeddi y byddan nhw’n cau 22 o ganghennau yn y flwyddyn nesaf, gan gynnwys rhai yn Lloegr a’r Alban – ond dim un yng Nghymru.

Cafodd ei gadarnhau ddoe (dydd Iau, Mai 9) hefyd na fydd y cwmni yn newid dwylo, yn dilyn methiant i ddenu prynwyr.

Mae’r grŵp o gredydwyr, o’r enw Celine, wedi bod yn gyfrifol am y cwmni ers rhai wythnosau.

Maen nhw wedi addo bod yn “berchennog hirdymor” ar Debenhams, ac eisoes wedi buddsoddi £200m yn y cwmni.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer