Bywyd gwyllt yn diflannu ar raddfa “ddigynsail”

Diweddarwyd  

Machlud ar fferm

Llun: CC0

Mae bywyd gwyllt a’u cynefinoedd yn diflannu ar raddfa “digynsail” drwy’r byd ac mae hynny’n bygwth pobol yn uniongyrchol, mae astudiaeth wedi rhybuddio.

Mae hyd at filiwn o rywogaethau o blanhigion ac anifeiliaid mewn perygl o ddiflannu – y nifer fwyaf erioed.

Fe allai nifer ddiflannu o fewn degawdau, yn ôl asesiad y Cenhedloedd Unedig.

Mae gwyddonwyr yn rhybuddio bod y byd naturiol yn dirywio yn gynt nag erioed a hynny o ganlyniad i weithredoedd dyn, gan erydu “seilwaith” economïau, bywoliaethau, bwyd, iechyd a safon byw yn fyd eang.

Mae angen trawsnewidiad anferth ar draws yr economi a chymdeithas i ddiogelu ac adfer natur, yn ol gwyddonwyr.

Heb y “newid trawsnewidiol” fe fydd y difrod yn parhau i waethygu hyd at 2050 a thu hwnt gan fygwth lles dynoliaeth o gwmpas y byd, meddai’r astudiaeth.

Cafodd yr astudiaeth ei wneud dros gyfnod o dair blynedd gyda mwy na 450 o arbenigwyr o 50 o wledydd yn gysylltiedig.

Mae wedi bod yn edrych ar y newidiadau i’r byd naturiol dros y pum degawd diwethaf – yn ystod y cyfnod yma mae’r boblogaeth wedi dyblu ac mae’r galw am ynni a deunyddiau wedi cynyddu’n sylweddol.

Y difrod mwyaf sydd wedi bod i fywyd gwyllt yw’r newid yn y ffordd mae’r tir a’r môr yn cael eu defnyddio yn ogystal â newid hinsawdd, a llygredd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones