“Ail refferendwm annibyniaeth i’r Alban cyn etholiad 2021”

Diweddarwyd  
Nicola Sturgeon o flaen darllenfa a dau feic

Nicola Sturgeon

Llun: Vimeo trwy Gomin Wicimedia

Dylai Albanwyr gael y cyfle i ddewis rhwng Brexit ac annibyniaeth cyn etholiadau nesaf Holyrood yn 2021, yn ôl Nicola Sturgeon, prif weinidog yr Alban.

Dyna ei barn mewn datganiad gerbron aelodau seneddol yr Alban.

“Gallaf gadarnhau y bydd Llywodraeth yr Alban yn gweithredu er mwyn sicrhau bod yr opsiwn o roi dewis i bobol ar annibyniaeth yn mynd rhagddo’n ddiweddarach yn y tymor seneddol hwn,” meddai.

Mae hi’n cyhuddo San Steffan o fethu â gwarchod buddiannau’r Alban.

“Beth bynnag am statws cyfansoddiadol yr Alban yn y dyfodol, fe fydd cael y berthynas agosaf bosibl â’r Undeb Ewropeaidd bob amser o fudd i ni,” meddai wefyn.

“Rydym wedi gwneud popeth posib er mwyn atal argyfwng Brexit i’r Deyrnas Unedig gyfan. A byddwn yn parhau i wneud hynny.”

Mae hi’n dweud nad yw’r drefn yn San Steffan yn addas ar gyfer yr Alban, a bod y cytundeb datganoli presennol yn “gwbl annigonol” o dan yr amgylchiadau presennol.

Ymateb Downing Street

Wrth ymateb i ddatganiad Nicola Sturgeon, mae Downing Street yn mynnu nad yw eu barn am annibyniaeth i’r Alban wedi newid.

Mae Theresa May eisoes wedi datgan ei gwrthwynebiad i gynnal refferendwm.

Mae Ceidwadwyr yr Alban yn dweud bod galw am ail refferendwm yn benderfyniad “abswrd”, ac mae Llafur yr Alban yn cyhuddo Nicola Sturgeon o “ddefnyddio’i swydd yn Brif Weinidog i roi buddiannau’r SNP cyn buddiannau’r wlad”.

Ond mae Plaid Werdd yr Alban yn ategu’r alwad am ail refferendwm, gan ddweud y dylai dyfodol yr Alban fod “yn ei dwylo ei hun”.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer