Brexit: trafodaethau’n parhau rhwng y Llywodraeth a Llafur

Diweddarwyd am  
Jeremy Corbyn yn siarad

Jerremy Corbyn

Llun: Chatham House CC2.0

Fe fydd trafodaethau yn parhau rhwng y Llywodraeth a’r Blaid Lafur heddiw (dydd Gwener, Ebrill 5) er mwyn ceisio datrys yr anghydfod ynglŷn â Brexit.

Daw’r trafodaethau wrth i Theresa May wynebu wythnos heriol arall er mwyn ceisio parhau gyda’i hagenda i adael yr Undeb Ewropeaidd.

Ac mae ‘na adroddiadau bod swyddogion yr Undeb Ewropeaidd yn ystyried cynnig estyniad hyblyg o 12 mis i’r Prif Weinidog i amserlen Erthygl 50.

Yn ôl y BBC, mae llywydd y Cyngor Ewropeaidd, Donald Tusk, yn paratoi i gyflwyno’r cynnig gerbron arweinwyr Ewrop mewn uwch-gynhadledd ddydd Mercher mewn ymgais i sicrhau nad yw gwledydd Prydain yn gadael yr Undeb heb gytundeb ar Ebrill 12.

Mae disgwyl i Theresa May ysgrifennu at Donald Tusk heddiw i ofyn am ohirio Brexit ymhellach, yn ôl ffynhonnell yn Downing Street.

Wrth i drafodaethau’r Llywodraeth gyda Llafur barhau am ddiwrnod arall, mae cynnal ail refferendwm Brexit yn dal i hawlio’r sylw.

Mae gweinidogion wedi ystyried y posibilrwydd o roi pleidlais i Aelodau Seneddol dros gynnal refferendwm ar gytundeb fel rhan o’r trafodaethau gyda Llafur, yn ôl y Daily Telegraph.

Fe alla’i Llywodraeth amlinellu’r cynlluniau mewn llythyr at arweinydd y Blaid Lafur, Jeremy Corbyn, ddydd Gwener.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl