Brwsel yn cytuno i ohirio Brexit tan fis Mai

Diweddarwyd am  
Jean-Claude Juncker yn areithio

Jean-Claude Juncker

Llun Plaid Pobol Ewrop CCA2.0

Fe fydd Theresa May yn gwneud ymdrech olaf i ddarbwyllo Aelodau Seneddol i gefnogi ei chynllun ymadael ar ôl i Frwsel gytuno i ohirio Brexit tan Mai 22 os yw hi’n gallu sicrhau cefnogaeth gan Dy’r Cyffredin erbyn wythnos nesaf.

Os ydy Aelodau Seneddol yn gwrthod Cytundeb Ymadael y Prif Weinidog am y trydydd tro, fe fydd gan wledydd Prydain hyd at Ebrill 12 i amlinellu eu camau nesaf. Fe fydd estyniad hirach ar yr amod bod gwledydd Prydain yn cymryd rhan yn etholiadau’r Senedd Ewropeaidd ym mis Mai.

Roedd aelodau’r Undeb Ewropeaidd wedi cytuno ar yr estyniad yn dilyn trafodaethau ym Mrwsel a barodd am wyth awr, a hynny ar ol gwrthod apêl gan Theresa May i ohirio Brexit o Fawrth 29 hyd at Fehefin 30.

Fe fu Theresa May yn trafod gyda llywydd y Cyngor Ewropeaidd Donald Tusk yn ystod ac ar ol y cyfarfod ond nid yw’n glir a oedd hi wedi gallu cymryd rhan yn y trafodaethau.

Mewn cynhadledd newyddion ym Mrwsel wedi’r cyfarfod, dywedodd y Prif Weinidog bod y cynllun i ohirio Brexit yn rhoi dewis clir i Aelodau Seneddol. Ychwanegodd y byddai’n “gweithio’n galed i geisio ennyn cefnogaeth” i’r cynllun ar ol dychwelyd bore ma (dydd Gwener, Mawrth 22) ac y byddai’n “anghywir” gofyn i bobl y  Deyrnas Gyfunol i ethol Aelodau Seneddol Ewropeaidd tair blynedd ar ol pleidleisio dros adael yr Undeb Ewropeaidd. Fe fydd yr etholiadau  Ewropeaidd yn cael eu cynnal rhwng Mai 23-26 ar draws Ewrop.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones