Theresa May wedi “gwrthod gwrando” ar gyngor Donald Trump

Diweddarwyd am  
Donald Trump a Theresa May yn sefyll ochr yn ochr

Cyfarfod rhwng Donald Trump a Theresa May yn 2017

Llun: Parth Cyhoeddus

Mae Brexit yn “rhwygo gwledydd ar wahân” meddai Donald Trump – ac mae Theresa May wedi gwrthod gwrando ar ei gyngor ar y mater.

Daw ei sylwadau wrth iddo gyfarfod â Taioseach Iwerddon, Leo Varadkar, yn y Tŷ Gwyn heddiw (dydd Iau, Mawrth 14), ddyddiau ar ôl i gytundeb Brexit Theresa May, ynghyd â’r cynnig i adael yr Undeb Ewropeaidd heb gytundeb, gael eu gwrthod gan Aelodau Seneddol.

“Mae’n rhywbeth cymhleth iawn ar hyn o bryd,” meddai Donald Trump. “Mae’n rhwygo gwledydd ar wahân – yn wir, mae’n rhwygo sawl gwlad ar wahân ac mae hynny’n siom…

“Dw i’n synnu gyda pha mor wael mae pethau wedi mynd o safbwynt y trafodaethau, ond fe wnes i rannu fy syniadau gyda’r Prif Weinidog ar sut i drafod, ond fe wnaeth hi wrthod gwrando.

“Mae hynny’n iawn ond byddwn i wedi cynnal y trafodaethau mewn ffordd wahanol.”

Wrth roi ei farn ar ba un a ddylai Brexit gael ei ymestyn ai peidio, dywedodd fod “angen gwneud rhywbeth” cyn Mawrth 29, y dyddiad pryd mae disgwyl i wledydd Prydain adael yr Undeb Ewropeaidd.

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl