Dirwy o £5m i gwmni trenau am wneud llanast o amserlen newydd

 

Llun: CC0

Mae cwmni Govia Thameslink Railway (GTR) yn gorfod talu dirwy o £5m am y methiannau a’r oedi a’r diffygion yn y ffordd yr oedd yn cyfathrebu â theithwyr ar adeg cyflwyno amserlen newydd.

Mae’r corff rheoleiddio, Office of Rail and Road (ORR) yn dweud fod GTR “wedi methu rhoi gwybodaeth gywir, addas ac amserol” yng nghanol y trafferthion gyda gwasanaethau Thameslink a llinell y Great Northern am gyfnod o wyth wythnos yn dilyn lansiad swyddogol yr amserlen newydd ym mis Mai, 2018.

Fe gafodd rhai trenau eu tynnu oddi ar yr amerlen yn llwyr, ond chafodd teithwyr ddim gwybod am hyn am nifer o wythnosau, meddai ORR. Fe gafodd trenau eraill eu symud, eu gohirio neu eu canslo yn ddyddiol, ond heb yn wybod i deithwyr.

Mae ymchwiliad i’r hyn ddigwyddodd yn dilyn lansio’r amserlen newydd y llynedd yn dweud hefyd fod y cyfathrebu o fewn cwmni GTR yn ddiffygiol, ac nad oedd gan aelodau staff yn aml ddim digon o wybodaeth er mwyn bod o gymorth i deithwyr.

 

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer