Ffiniau Iwerddon: ystyried peidio ag ail-agor trafodaethau Brexit

Diweddarwyd am  

Theresa May

Llun: Kuhlmann MSC trwy Comin Wicimedia

Mae’n bosib na fydd Theresa May, prif weinidog Prydain, yn ceisio ail-agor trafodaethau Brexit er mwyn datrys sefyllfa ffiniau Iwerddon.

Mae Jeremy Wright, Gweinidog Diwylliant San Steffan, yn awgrymu y gallai atodiad gael ei ychwanegu at y Bil Ymadael er mwyn addasu’r ‘backstop’, gan ddweud bod yr “amcan” yn bwysicach na’r “mecanwaith”.

Daw ei sylwadau yn dilyn llythyr gan Theresa May yn sicrhau aelodau seneddol y byddai’r Llywodraeth yn parhau i frwydro i ddatrys y ffiniau.

“Dw i’n credu mai’r hyn sy’n amlwg yw fod y Senedd, a phobol ymhell y tu hwnt i’r Senedd dw i’n credu, yn gofidio am natur amhenodol ddi-ben-draw y ‘backstop – dyna’r hyn y mae’n rhaid i ni wneud rhywbeth yn ei gylch e,” meddai Jeremy Wright wrth raglen Andrew Marr ar y BBC.

“Os mai dyna’r unig ffordd o’i wneud e, yna dyna’r trywydd y byddwn ni’n ei ddilyn.

“Os oes yna ffyrdd gwahanol o’i wneud e sydd yr un mor effeithio nad ydyn ni wedi ymchwilio iddyn nhw eto, yna fe wnawn ni hynny hefyd.”

Cynnig Llafur

Yn y cyfamser, mae’r Blaid Lafur yn ystyried cynnig gan Peter Kyle a Phil Wilson, dau aelod o’r meinciau cefn, i gynnal ail refferendwm Brexit.

Daw’r cynnig arfaethedig wedi i Theresa May alw ar y Senedd i ddod ynghyd a rhoi buddiannau personol o’r neilltu “er lles y genedl”.

“Bydd hanes yn ein barnu ni am y rhannau rydym wedi eu chwarae yn y broses hon,” meddai mewn llythyr.

Bydd hi’n teithio i Frwsel am ragor o drafodaethau’r wythnos hon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl