Marwolaethau yfed a gyrru ar eu huchaf ers degawd

 

Teclyn prawf anadl

Llun: CC0

Mae’r nifer o farwolaethau o ganlyniad i yfed a gyrru wedi cyrraedd ei lefel uchaf ers 2009, yn ôl amcangyfrifon.

Yn 2017, cafodd rhwng 240 a 330 o bobol eu lladd mewn gwrthdrawiadau ar lonydd gwledydd Prydain lle’r oedd o leiaf un gyrrwr wedi yfed gormod, yn ôl yr Adran Drafnidiaeth.

Mae hyn yn cynrychioli tua 16% o holl farwolaethau ffyrdd.

Yr “amcangyfrif canolog” yw ffigwr o 290, a oedd wedi cynyddu o 230 yn ystod y flwyddyn flaenorol, a dyma’r nifer uchaf ers 2009.

Roedd amcangyfrif bod 8,660 o bobol wedi cael eu lladd neu eu hanafu mewn gwrthdrawiadau yfed a gyrru, sydd i lawr 4% o’r flwyddyn gynt.

Yn ôl llefarydd diogelwch ffyrdd y cwmni RAC mae hyn yn “achos difrifol ac mae’n adlewyrchu newid pryderus yn agweddau nifer o yrwyr sy’n barod i beryglu eu bywydau eu hunain a phobol eraill.”

Mi fydd ffigurau terfynol yfed a gyrru 2017 yn cael eu cyhoeddi ym mis Awst.

Mae Llywodraeth yr Alban wedi gostwng y cyflenwad cyfreithlon o alcohol all yrrwr yfed o 80 miligram (i bob 100 miligram o waed) i 50 miligram.

Er hynny, mae’r lefel yng ngweddill gwledydd Prydain ar 80 miligram yn parhau i fod yr uchaf yn Ewrop.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones