Merch a ymunodd ag ISIS eisiau dychwelyd i wledydd Prydain

Diweddarwyd am  
Baner ddu a gwyn y Wladwriaeth Islamaidd

Baner y Wladwriaeth Islamaidd

Llun: Commons Wikimedia

Mae merch ysgol o ddwyrain Llundain a wnaeth adael gwledydd Prydain yn 15 oed i ymuno â’r Wladwriaeth Islamaidd bellach yn feichiog, ac eisiau dychwelyd i wledydd Prydain.

Erbyn hyn mae Shamima Begum yn 19 oed ac wedi bod yn treulio’r pedair blynedd diwethaf mewn gwersyll yng ngogledd Syria, ble cafodd hi ei darganfod gan bapur newydd The Times.

Yno mae hi’n briodferch i un o ymladdwyr y Wladwriaeth Islamaidd sydd wedi ei ddal, yn feichiog ers naw mis, ac wedi gweld dau o’i phlant yn colli eu bywydau.

Ond dyw Shamima Begum “ddim yn difaru mynd yno”, meddai wrth The Times, “dw i ddim yr un ferch 15 oed wirion wnaeth redeg i ffwrdd o Bethnal Green bedair blynedd yn ôl.”

Roedd hi yn un o dair o ferched – gyda Kadiza Sultana a Amira Abase – o Bethnal Green Academi wnaeth adael eu cartrefi a’u teuluoedd ym mis Chwefror 2015 i ymuno â merch arall o ‘r academi oedd wedi gwneud y daith o Syria i Lundain flwyddyn ynghynt.

Fe briododd bob un ohonyn nhw ymladdwr ISIS ar ôl cyrraedd, yn ôl y Times.

Pan gyrhaeddodd Shamima Begum, cafodd ei rhoi mewn tŷ yn ninas Raqqa lle mae priodferch i jihadi ISIS yn aros cyn priodi.

Roedd hi wedi cael gŵr mewn 10 diwrnod ar ôl cyrraedd – dyn o’r Iseldiroedd oedd wedi cael troedigaeth i Islam. Dywedodd hi fod ei gwr wedi cael ei arestio, ei gyhuddo o ysbio a’i arteithio.

Fe adawodd Shamima Begum dinas Raqqa ym mis Ionawr 2017 gyda’i gŵr ond bu farw ei phlant – un ferch naw oed ac un bachgen tri mis, yn ddiweddar.

Dyw Swyddfa Gartref Prydain ddim yn gwneud sylw ar achosion unigol medden nhw, ond mae unrhyw un sydd yn dychwelyd i wledydd Prydain ar ôl teithio i dir y Wladwriaeth Islamaidd yn wynebu ymchwiliad troseddol ac mae cyfreithiau llym mewn grym erbyn hyn.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer