Theresa May yn wynebu gwrthryfel arall

 

Theresa May

Llun: Swyddfa Arlywydd Estonia trwy Commons Wikimedia

Gall Theresa May wynebu gwrthryfel arall gan aelodau mwyaf gwrth-Ewropeaidd ei phlaid mewn pleidlais yn y Senedd heddiw.

Fe fydd y Llywodraeth yn cyflwyno cynnig yn rhoi rhagor o amser i’r Prif Weinidog drafod cytundeb Brexit gyda’r Undeb Ewropeaidd.

Mae’r grŵp sy’n ffafrio Brexit di-gytundeb, yr ERG, yn cefnogi’r agwedd o’r cynnig sy’n galw am barhau ail-drafod y cynllun wrth gefn dadleuol ar gyfer Gogledd Iwerddon.

Y cyfan mae hyn yn ei wneud yw ailadrodd gwelliant a gafodd ei basio gan y Senedd ar 29 Ionawr.

Maen nhw, fodd bynnag, yn anfodlon fod y cynnig yn cydnabod gwelliant arall a gafodd eu basio’r un diwrnod, sef gwrthwynebiad ASau i adael yr Undeb Ewropeaidd heb gytundeb.

Eu barn nhw yw bod hyn yn gyfystyr â’r Prif Weinidog yn cyhoeddi na fydd yn caniatáu gadael heb gytundeb.

Yn y cyfamser, mae adroddiadau fod Jeremy Corbyn yn wynebu hyd at 10 o ymddiswyddiadau o’i fainc flaen os na fydd yn gwthio’r achos dros refferendwm arall ar Brexit.

Daw hyn ar ôl i ganghellor yr Wrthblaid John McDonnell fynnu bod y newid o ail refferendwm yn dal ar y bwrdd wrth iddo gydnabod bod dewis cyntaf Llafur, sef etholiad cyffredinol, yn ymddangos yn annhebygol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl