Twf economi gwledydd Prydain wedi arafu yn chwarter ola’ 2018

Diweddarwyd am  

Ffatri cynhyrchu ceir

Llun: CC0

Roedd twf economi gwledydd Prydain wedi arafu yn chwarter ola’ 2018, wrth i’r diwydiant cynhyrchu ceir weld y dirywiad mwyaf ers bron i ddegawd.

Roedd twf Cynnyrch Domestig Gros (GDP) wedi gostwng i 0.2% rhwng mis Hydref a Rhagfyr, o’i gymharu â thwf o 0.6% yn y chwarter blaenorol, yn ôl y Swyddfa Ystadegau Gwladol (ONS).

Yn y cyfamser mae GDP blynyddol wedi cynyddu o 1.4% – y twf gwanaf ers 2009.

Roedd gwerth y bunt wedi gostwng 0.4% yn erbyn y ddoler yn dilyn y newyddion. Yn erbyn yr ewro, roedd y bunt wedi gostwng 0.1% i 1.14.

Roedd cynhyrchiant ceir wedi gostwng 4.9% yn ystod y cyfnod, sef y dirywiad mwyaf ers chwarter cyntaf 2009.

Dywedodd yr ONS bod y gostyngiad ar draws nifer o ddiwydiannau yn adlewyrchu’r pryderon yn ymwneud a Brexit.

Dywedodd Rob Kent-Smith o’r ONS: “Roedd Cynnyrch Domestig Gros (GDP) wedi arafu yn y tri mis hyd at ddiwedd y flwyddyn gyda chynhyrchiant ceir a chynnyrch dur yn gweld gostyngiad sylweddol a’r diwydiant adeiladu hefyd yn dirywio. Serch hynny, roedd gwasanaethau yn parhau i gynyddu, gyda’r sector iechyd, ymgynghorwyr rheoli a TG yn gwneud yn dda.”

Ychwanegodd bod gostyngiad i’w weld ar draws yr economi ym mis Rhagfyr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer