Aelod Seneddol yn galw am ymchwiliad heddlu i gamymddwyn Philip Green

Diweddarwyd  
Philip Green a dau ddyn yn yfed

Philip Green, yn y canol

Llun: Financial Times CCA2.0

Mae aelod seneddol wedi galw ar i’r heddlu ymchwilio i honiadau o gamymddwyn rhywiol gan y dyn busnes Syr Philip Green.

Ac mae gweinidog cabinet wedi galw am newid rheolau cytundebau sy’n clymu cyn-weithwyr rhag datgelu gwybodaeth am eu bosys.

Yn ôl yr aelod seneddol Llafur, Peter Kyle, mae honiadau am ymddygiad pennaeth Topshop yn gwarantu ymchwiliad heddlu.

Yn ôl papur y Daily Telegraph, mae wedi sgrifennu at bennaeth Heddlu Llundain, Cressida Dick, ac mae’r llu wedi cadarnhau ei bod hi wedi derbyn neges e-bost ganddo.

Galw am newid cytundebau

Yn y cyfamser, mae Prif Ysgrifennydd y Trysorlys, Liz Truss, yn dweud bod angen newid y math o gytundebau dim datgelu sydd wedi eu defnyddio gan Philip Green i rwystro cyn-weithwyr rhag siarad yn gyhoeddus am ei gamymddwyn.

“Dw i’n credu bod angen i ni edrych o ddifri at y cytundebau dim datgelu yma a’u newid achos dw i’n meddwl ei bod yn hollol anghywir fod pobol fel Philip Green yn gallu diystyru’r gyfraith,” meddai wrth raglen deledu ar Sky.

Daeth yr honiadau diweddara’ yn y Telegraph dros y Sul, gydag un o gyn-uwch swyddogion Philip Green yn dweud ei fod wedi ymyrryd yn rhywiol â hi – roedd wedyn wedi cael cytundeb gwerth £1 miliwn i gau ei cheg.

Mae llefarwyr ar ran Philip Green yn gwadu ei fod wedi ymddwyn mewn ffordd a fyddai’n torri’r gyfraith neu’n arwain at gyhuddiadau o gamymddwyn difrifol neu’n peryglu iechyd a diogelwch.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019