Diflaniad Libby Squire: rhagor o amser i holi dyn

 
Libby Squire

Libby Squire

Llun: Heddlu Humberside / PA

Mae’r heddlu sy’n ymchwilio i ddiflaniad y fyfyrwraig 21 oed o Hull, Libby Squire, wedi cael rhagor o amser i holi dyn 24 oed sydd wedi’i amau o’i chipio.

Does neb wedi ei gweld hi ers Ionawr 31, ac mae’r heddlu a’r cyhoedd wedi bod yn chwilio amdani.

Mae lle i gredu iddi fynd i mewn i dacsi ar ddiwedd noson allan yn y ddinas, a chafodd hi ei gweld tua deng munud yn ddiweddarach yn derbyn cymorth gan aelod o’r cyhoedd.

Cafodd dyn ei arestio nos Fercher, hanner milltir o’i chartref.

Mae’r heddlu wedi cael 24 awr ychwanegol i’w holi. Bydd y cyfnod hwnnw’n dod i ben am 9 o’r gloch heno (nos Sul, Chwefror 10).

Mae lluniau wedi dod i’r golwg o gar yn stopio yn yr ardal, a drws y teithiwr yn cael ei agor cyn i rywun fynd i mewn i’r cerbyd, sy’n cael ei weld wedyn yn cael ei yrru i ffwrdd.

Mae tudalen JustGiving wedi cael ei sefydlu, a thros £3,000 wedi cael ei godi fel rhan o’r ymdrechion i ddod o hyd iddi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed