Teigr prin yn cael ei lladd gan ddarpar gymar mewn sŵ

 

Asim, y teigr Sumatra gwrywaidd a laddodd ei ddarpar gymar Melita, gan chwalu gobeithion cadwriaethwyr am gyfrannu at ddyfodol y rhywogaeth brin

Llun: ZSL London Zoo / PA Wire

Mae teigr Sumatra benywaidd yn Sŵ Llundain wedi cael ei lladd gan ddarpar gymar gwrywaidd newydd wrth i’r ddau gael eu rhoi gyda’i gilydd am y tro cyntaf.

Cafodd Melati, 10 oed, ei llarpio gan Asim, 7 oed, er i’r ddau ddangos “arwyddion amlwg cadarnhaol” pan oedden nhw yng ngolwg ei gilydd mewn trigfannau cyfagos dros y 10 diwrnod ddiwethaf.

Dywedodd llefarydd ar ran y sŵ fod y staff yn dorcalonnus wedi’r digwyddiad.

“Mae dod ag unrhyw gathod mawr at ei gilydd, waeth pa mor drylwyr yw’r paratoadau, bob amser yn risg uchel,” meddai.

“Pan agorwyd y drws i’r ddau allu dod at ei gilydd, roedd y ddau deigr yn betrusgar ar y cychwyn, ond buan y gwnaeth y chwarae droi’n chwerw.

“Er gwaethaf defnyddio sŵn uchel, fflachiadau a larymau, roedd hi’n rhy hwyr erbyn i’r ddau gael eu gwahanu.”

Roedd Asim wedi cael ei symud i’r sŵ o barc saffari yn Nenmarc ddiwedd y mis diwethaf fel rhan o raglen gadwriaethol Ewropeaidd.

Mae teigrod Sumatra yn cael eu disgrifio fel rhai mewn perygl argyfyngus gan y WWF, sy’n amcangyfrif bod llai na 400 yn y gwyllt.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer