Yr Ymddiriedolaeth Genedlaethol yn cynyddu aelodaeth o £6 y flwyddyn

Diweddarwyd am  

Castell Penrhyn

Llun: Pam Brophy CC 2.0 trwy Gomin Wicimedia

Mae’r Ymddiriedolaeth Genedlaethol wedi cynyddu ei thâl aelodaeth, gan ddweud y bydd yn help i dalu am y £16,000 sy’n cael ei wario yn flynyddol gan y corff ar waith cadwraeth.

Yn ôl yr ymddiriedolaeth, fe fydd cynnydd o 50c y mis o Fawrth 1 yn creu cyfalaf gwerth £11m a fydd yn cael ei ddefnyddio er mwyn amddiffyn safleoedd treftadaeth a gwledig yng Nghymru, Lloegr a Gogledd Iwerddon.

Mae llawer o brosiectau cadwraethol ar y gweill gan yr Ymddiriedolaeth Genedlaethol, gan gynnwys gwaith cynnal a chadw gwerth £5m yng ngerddi a phlasdy Ickworth yn Swydd Suffolk a’r bwriad i wario £4m ar wella’r cyfleusterau yn Sutton Hoo o fewn yr un sir.

Yn ôl ffigyrau gan yr Ymddiriedolaeth Genedlaethol, fe gafodd £138.4m ei wario ar gadwraeth yn ystod cyfnod 2017/18 – cyfartaledd o  £15,799 yr awr yn ystod y flwyddyn gyfan.

Prisiau newydd

Yn y pen draw, bydd disgwyl i bobol dros 26 oed dalu £3 y flwyddyn yn ychwanegol am aelodaeth, gyda theuluoedd cyfan wedyn yn gorfod talu £6 yn fwy. Mae hynny’n golygu y bydd teulu sydd â dau oedolyn yn talu £126 yn flwyddyn er mwyn bod yn aelodau.

Bydd y pris ar gyfer pobol dros 60 oed sydd wedi bod yn aelodau am y pum allan o’r deng mlynedd diwethaf yn gweld cynnydd o £2.52 yn y pris, a bydd aelodaeth ar y cyd ar gyfer pobol hŷn yn £4.80 yn fwy.

Bydd rhaid i bobol rhwng 18 a 25 oed dalu £1.50 y flwyddyn yn ychwanegol wedyn, tra bydd y pris ar gyfer aelodau iau (5-17) yn aros yn ei unfan ar £10.

 

Addysg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer