Cyhoeddi cynlluniau i newid rheolau labelu bwyd

Diweddarwyd am  

Llun: Comin Wicimedia

Mae Llywodraeth Prydain wedi amlinellu cynlluniau a fyddai’n cyflwyno rheolau newydd ynghylch labelu bwyd.

Mae ymgynghoriad wedi cael ei gychwyn gan adran DEFRA sy’n canolbwyntio ar sut mae bwydydd sy’n cael eu paratoi o flaen llaw, fel brechdanau a saladau, yn cael eu cynhyrchu, eu pecynnu a’u gwerthu.

Yn ôl DEFRA, mae’r rheolau presennol yn nodi nad oes rheidrwydd ar fusnesau sy’n paratoi ac yn gwerthu bwydydd ar yr un safle gynnwys gwybodaeth am alergeddau ar labeli.

Ond mae’r cynlluniau newydd, sy’n cael eu cyhoeddi heddiw (dydd Gwener, Ionawr 25), yn gobeithio newid hynny, gan orfodi masnachwyr sy’n gwerthu bwydydd yn uniongyrchol i gwsmeriaid gynnwys manylion llawn wrth labelu.

Daw’r camau hyn yn dilyn marwolaeth Natasha Ednan-Laperouse, a ddioddefodd alergedd ar ôl bwyta bagét o Pret A Manger.

Ers hynny, mae ei rhieni wedi galw am gyfraith newydd a fyddai’n sicrhau bod pob alergedd yn cael eu nodi ar becynnau bwyd.

Dywed DEFRA mai eu gobaith yw y byddai’r ymgynghoriad diweddaraf yn rhoi hyder i’r 2m o bobol sy’n dioddef o alergeddau bwyd yng ngwledydd Prydain, yn enwedig lle mae diogelwch eu bwyd yn fater difrifol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones