Heddlu am holi gŵr Brenhines Lloegr yn dilyn damwain car

Diweddarwyd am  
Grwp o swyddogion hedldu mewn siacedi melynwyrdd

Swyddogion heddlu

Llun parth cyhoeddus trwy Gomin Wicimedia

Mae Heddlu Norfolk wedi dweud y byddan nhw yn cynnal ymchwiliad i’r ddamwain car gafodd gŵr Brenhines Lloegr.

Roedd y Tywysog Philip  yn gyrru Land Rover pan darodd gar Kia ar ffordd brysur ger stad Sandringham ei wraig.

Yn ôl yr heddlu fe gafodd gyrrwr 28 oed y car Kia a dynes arall 45 oed eu hanafu a’u trin mewn ysbytai, cyn cael eu rhyddhau.

Hefyd yn y Kia roedd babi naw mis oed na chafodd ei anafu.

Yn dilyn y ddamwain mae sawl un wedi cwestiynu doethineb caniatáu i’r Tywysog Philip barhau i yrru ceir, ac yntau yn 97 oed.

Fe ddigwyddodd y ddamwain ddoe pan dynnodd y Tywysog allan o lôn fach yn ei Land Rover, er mwyn ymuno gyda llif yr A149, a tharo’r car Kia.

Mae Theresa May wedi anfon “neges breifat yn dymuno’r gorau” i’r Tywysog Philip.

Y disgwyl yw y bydd yr heddlu yn holi’r Tywysog, gyrrwr y car Kia ac unrhyw dystion i’r digwyddiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl