Achos yn erbyn prif swyddog Hillsborough yn dechrau

Diweddarwyd am  
Blodau wrth gofeb i'r 96

Cofeb i’r 96 o gefnogwyr pêl-droed Lerpwl fu farw yn stadiwm Hillsborough yn Sheffield ar Ebrill 15, 1989

Llun: golwg360

Mae’r achos yn erbyn prif swyddog yr heddlu, oedd ar ddyletswydd pan ddigwyddodd trychineb bêl-droed Hillsborough, yn dechrau yn Llys y Goron Preston heddiw (dydd Llun, 14 Ionawr).

Mae David Duckenfield, 74 oed, wedi’i gyhuddo o ddynladdiad 95 o gefnogwyr pêl-droed Lerpwl trwy esgeulustod dybryd.

Fe fydd y cyn-brif uwch-arolygydd yn sefyll ei brawf ynghyd a chyn-ysgrifennydd clwb pêl-droed Sheffield Wednesday, Graham Mackrell, 69, sydd wedi’i gyhuddo o drosedd yn ymwneud â diogelwch y stadiwm.

Fe gyrhaeddodd David Duckenfield, 74, y llys bore ma gyda’i gyfreithiwr ac aelodau ei deulu.

Roedd perthnasau rhai o’r 96 fu farw yn y trychineb ar 15 Ebrill 1989 hefyd yn Preston ar gyfer yr achos tra bod eraill yn gwylio’r gwrandawiad trwy gyswllt fideo yn adeilad Cunard yn Lerpwl.

Fe fydd yr achos yn dechrau’n iawn yn ddiweddarach yn yr wythnos.

Mae David Duckenfield eisoes wedi ymddangos trwy gyswllt fideo i bledio’n ddieuog i’r cyhuddiad o ddynladdiad trwy esgeulustod dybryd.

Bu farw 96 o bobl yn y trychineb ar safle Sheffield Wednesday yn ystod y gêm rhwng Lerpwl a Nottingham Forest.

Dan y gyfraith adeg y trychineb, fydd neb yn cael ei erlyn tros farwolaeth Tony Bland gan ei fod wedi marw fwy na blwyddyn a diwrnod wedi iddo gael ei anafu yn Hillsborough.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer