Theresa May: “Senedd yn debygol o rwystro Brexit rhag digwydd”

Diweddarwyd am  

Theresa May

Llun: DonkeyHotey trwy Flickr

Ar drothwy’r bleidlais dyngedfennol ar ei chynllun Brexit, mae disgwyl i Theresa May rybuddio bod y Senedd yn debygol o rwystro Brexit rhag digwydd yn hytrach na gadael heb gytundeb.

Wrth iddi wneud apêl funud olaf ar Aelodau Seneddol i gefnogi ei chynllun fe fydd y Prif Weinidog yn eu hannog i ystyried “canlyniadau” eu gweithredoedd o ran gwireddu dymuniad pobol gwledydd Prydain.

Mae disgwyl iddi rybuddio eto y bydd  y ffydd sydd gan bobol mewn gwleidyddion yn dioddef  “niwed catastroffig” os nad yw canlyniad y refferendwm yn cael ei weithredu.

Gydag oriau’n unig i fynd cyn y bleidlais fe fydd Theresa May yn dweud ei bod bellach yn credu ei bod yn fwyaf tebygol y bydd ASau yn rhwystro Brexit yn hytrach na gadael heb gytundeb.

Does dim disgwyl iddi ennill y bleidlais nos yfory (dydd Mawrth, Ionawr 15).

Yn y cyfamser mae tri aelod o’r meinciau cefn yn bwriadu cyhoeddi bil nos Lun a fyddai’n caniatáu i ASau lunio cytundeb Brexit “cyfaddawd” os yw Theresa May yn methu cyhoeddi cynllun gwahanol, meddai’r Ceidwadwr Nick Boles.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019