“Cam ymlaen sylweddol” yn y gwaith o drin Norofeirws

 

Norofeirws

Llun: CDC

Mae ymchwilwyr yn honni eu bod wedi gwneud “cam ymlaen sylweddol” yn y gwaith o ddod o hyd i ffordd o drin y teulu o feirws sy’n cynnwys Norovirus.

Mae tîm o wyddonwyr bellach yn dweud eu bod yn deall sut y mae’r teulu calicivirus – sy’n cynnwys y ddau straen, norovirus a sapovirus, yn creu haint yn y corff.

Mae’r ddau fath o feirws yn lledu’n hawdd iawn, ac mae’n anodd iawn eu rheoli wrth iddyn nhw achosi dolur rhydd a gwneud i ddioddefwyr daflu i fyny. Pan maen nhw’n effeithio ysbytai, mae wardiau’n gorfod cael eu cau, ac ymwelwyr yn gorfod cadw draw.

Mae’r ymchwilwyr o Brifysgol Glasgow yn dweud iddyn nhw wneud eu darganfyddiad diweddara’ wrth astudio’r feirws mewn cathod.

Mae’r gwaith ymchwil, sy’n cael ei gyhoeddi yr wythnos hon, yn dangos fod y feirws yn gallu newid ei siâp er mwyn creu ‘allwedd’ siâp twmffat sy’n ei alluogi i gael mynediad i gelloedd. A dyna lle mae’r haint yn cychwyn.

Mae gwyddonwyr yn gobeithio y bydd y darganfyddiad hwn yn eu galluogi i ddatblygu cyffuriau newydd er mwyn rhwystro’r feirws rhag lledu.

Gwyddoniaeth a Thechnoleg

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl