Dylai rhieni “osgoi gadael i’w plant edrych ar sgriniau awr cyn amser cysgu”

Diweddarwyd am  
Ffon symudol yn llaw merch ifanc

Llun: O Adroddiad Cymdeithas y Plant

Fe ddylai rhieni osgoi gadael i’w plant ddefnyddio ffonau symudol, tabledi neu gyfrifiaduron am awr cyn amser cysgu a chyfyngu’r amser sy’n cael ei dreulio yn edrych ar y sgrin, yn ôl canllaw swyddogol newydd.

Yn ôl arbenigwyr fe allai edrych ar sgriniau fel ffonau symudol, tabledi a chyfrifiaduron yn yr awr cyn amser gwely effeithio ar gwsg, iechyd a lles plant.

Mae treulio amser hir ar declynnau hefyd yn cael ei gysylltu gyda bwyta bwydydd sothach a diffyg ymarfer corff.

Wrth gyhoeddi’r canllawiau swyddogol yn ymwneud a sgriniau am y tro cyntaf, mae’r Coleg Brenhinol Pediatrig ac Iechyd Plant wedi argymell cyfyngu’r amser sy’n cael ei dreulio yn edrych ar sgriniau a chyflwyno cyrffew. Ond maen nhw’n ychwanegu na ddylai rhieni boeni bod defnyddio’r teclynnau yn niweidiol.

Mae rhieni yn aml yn clywed bod defnyddio’r teclynnau yn gallu bod yn niweidiol i’w plant ond mewn gwirionedd fe allen nhw fod yn ffordd werthfawr i ddysgu am y byd, yn ôl y coleg.

Ond mae’r coleg yn ychwanegu na ddylai amser ar y teclynnau gymryd lle gweithgareddau eraill fel ymarfer corff, cysgu a threulio amser gyda’r teulu.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones