Rali Tommy Robinson ‘bum gwaith yn llai’ na rali gwrthwynebwyr

Diweddarwyd am  
Tommy Robinson

Tommy Robinson

Llun: Gareth Fuller / PA Wire

Mae gwrthwynebwyr Tommy Robinson yn dweud bod bum gwaith yn fwy o bobol ar eu gorymdaith nhw nag yr oedd ganddo fe yn Llundain.

Mae lle i gredu bod oddeutu 15,000 o bobol wedi troi allan i wrthwynebu’r rali a gafodd ei threfnu er mwyn dangos dicter ynghylch yr hyn mae ymgynghorydd newydd UKIP yn ei alw’n “frad” tros Brexit.

Roedd yr heddlu wedi bod yn rhybuddio pobol i gadw draw oddi wrth ei gilydd yn ystod y ddau ddigwyddiad oedd yn anelu am ganol dinas Llundain heddiw (dydd Sul, Rhagfyr 9).

Ymhlith y rhai yn rali Tommy Robinson roedd aelodau UKIP a’r EDL, gydag aelodau Llafur ac ymgyrchwyr gwrth-ffasgaidd ar yr orymdaith gyferbyniol.

Dydy’r heddlu ddim wedi cadarnhau faint o bobol oedd yn cymryd rhan yn y naill orymdaith na’r llall.

‘Ergyd’

Yn ôl gwrthwynebwyr Tommy Robinson, roedd y niferoedd yn “ergyd” iddo fe, ei gefnogwyr a’i “wleidyddiaeth ffiaidd sy’n cael ei thanio gan gasineb”.

Dywed un o’i gefnogwyr ei fod e wedi mynd â rhaff gyda fe ar yr orymdaith “i’r Prif Weinidog Theresa May”.

Roedd canghellor yr wrthblaid, John McDonnell wedi annog pobol i ymgynnull i wrthwynebu rali Tommy Robinson, gan ddweud ei fod e a’i gefnogwyr eisiau “gwisgo mewn siwtio ac esgus bod yn barchus”.

Mae trefnwyr yr orymdaith wrth-ffasgaidd yn dweud eu bod nhw’n teimlo’n galonogol ynghylch yr undod ymhlith eu cefnogwyr yn ystod y digwyddiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer