59% o Albanwyr o blaid annibyniaeth i’r wlad heb gytundeb Brexit

 
Baner yr Alban

Baner yr Alban

Llun: Wicipedia

Byddai 59% o Albanwyr o blaid annibyniaeth i’r wlad pe bai Prydain yn gadael yr Undeb Ewropeaidd heb gytundeb, yn ôl arolwg gan Panelbase.

Ac fe ddywedodd 53% o’r bobol wnaeth ymateb i’r pôl ar ran y Sunday Times yn yr Alban ac LBC y byddai annibyniaeth yn fwy manteisiol i’r wlad nag aros yn rhan o Brydain sydd wedi cytuno i adael yr Undeb Ewropeaidd drwy’r Mesur Ymadael.

Ond dim ond 47% o boblogaeth yr Alban sydd o blaid annibyniaeth o hyd o anwybyddu mater Brexit.

Cafodd 1,028 o bobol eu holi ar drothwy pleidlais dyngedfennol i Brif Weinidog Prydain, Theresa May yn San Steffan ddydd Mawrth.

Byddai 51% o blaid cynnal etholiad cyffredinol pe bai hi’n colli’r bleidlais ddydd Mawrth, ac mae’r pôl yn awgrymu y byddai’r SNP yn ennill 37% o seddau’r wlad (39) yn yr etholiad cyffredinol hwnnw. 35 sedd sydd ganddyn nhw ar hyn o bryd.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones